Wolf Warrior (2015) mmsub

အထူး ရဲတပ်ဖွဲ့က တပ်ကြပ် ကြီး လန်ဖန် ဟာ လက်ဖြောင့်သေနတ်သမား တစ်ဦးဖြစ်ပြီး တစ်ရက်မှာ သူတို့တပ်ဖွဲ့တရားမဝင် ဘိန်းထုတ်တဲ့စက်ရုံကို ဝင်ရောက်နှိမ်နင်းရင်း ဘိန်းရာဇာတစ်ယောက်နဲ့ ထိပ်တိုက်ဆုံခဲ့ပါတယ်။ ဘိန်းရာဇာက ဓားစာခံ တစ်ယောက်ကို အကာအကွယ်ယူရင်း အထူးတပ် ဖွဲ့ဝင်တစ်ယောက်ကို သေနတ်နဲ့ပစ်ခဲ့တာကြောင့် လန်ဖန် က အထက်အမိန့်ကိုမစောင့်ဘဲ ကိုယ့်သဘောနဲ့ကိုယ် ဘိန်းရာဇာကို သေနတ်မှန်အောင်လုပ်ခဲ့ပါတယ်။ အမိန့်မနာခံမှုနဲ့ လန်ဖန်တစ်ယောက် အထူးရဲတပ်ဖွဲ့က အထုတ်ခံခဲ့ရပေမယ့် တပ်စုမှူးလုံရှောင်ယွမ် က လန်ဖန်ရဲ့ လုပ်ရည်ကိုင်ရည်ကို သဘောကျတာကြောင့် “War Wolf” လို့ခေါ်တဲ့ ပထမအဆင့် အထူးတပ်ဖွဲ့ကို ခေါ်ယူခြင်းခံခဲ့ရပါတယ်။ တစ်ရက်မှာတော့ အထူးရဲအဖွဲ့ဟာ တရုတ်သူဌေးကြီး မင်းဒန် ကို လူကုန်ကူးမှု၊ လက်နက် လက်ဝယ်ထားမှု စတဲ့ အမှုတွေနဲ့ သူ့အိမ်ကို အဖွဲ့လိုက်ဝင်ဖမ်းတဲ့အခါ သူကလည်း ခေသူတော့မဟုတ်ပါဘူး။ ကြေးစားသေနတ် သမားတွေကို အဖွဲ့လိုက်ငှားထားတာမို့ သူဌေးကြီးကို လာဖမ်းတဲ့ ရဲတပ်ဖွဲ့ဝင်တွေကို ကြေးစားအဖွဲ့တွေက မသေမချင်း ဘက်ပေါင်း စုံကနေ ပြန်တိုက်ခဲ့ပါတယ်။ သူဌေးကြီး မင်းဒန်ကလည်း လန်ဖန် ရဲ့ သေနတ်ကျည်ကြောင့် သူ့ညီသေခဲ့ရတာမို့ မခဲမကျေဖြစ်ပြီး လန်ဖန် ကို လက်စားပြန်ချေဖို့အတွက် ကြေးစားလူသတ်သမား အမေရိကန်ရေတပ် အဖွဲ့ဝင်ဟောင်း တော်မ်ကက် ကို ငှားခဲ့ပါတယ်။ တပ်ဖွဲ့သစ်ထဲကို ရောက်သွားတဲ့ လန်ဖန် ဟာ အဖွဲ့ဝင်သစ်တွေနဲ့ အဆင်ပြေအောင် ကြိုးစား နေထိုင်ပြီး တိုက်ပွဲတွေဝင်ခဲ့ပြီး နောက်တစ်ရက်မှာ တော်မ်ကက် နဲ့ ထိပ်တိုက်တွေ့ပါတော့တယ်။ ဘိန်းရာဇာ ရဲ့ ကိုယ်စား လန်ဖန်ကို အသေတိုက်မယ့် ကြေးစားအဖွဲ့တွေနဲ့ ဆုံတဲ့အခါ လန်ဖန်ဘယ်လိုအခြေအနေနဲ့ အဆုံးသတ်မလဲဆိုတာ..