Video Sources 1024 Views Report Error
Synopsis
ဒီကားလေးမှာဆိုရင် စစ်လက်နက်ပစ္စည်းများကို ခိုးယူရောင်းချကြမယ့် မရိန်းတပ်သားဟောင်းများ ကြုံကြိုက်ရတဲ့
အလွဲအမှားအကြောင်းကို သည်းထိတ်ရင်ဖိုဖြစ်ဖွယ် ကြည့်ရှုရမှာပဲဖြစ်ပါတယ်.. လူတစ်ယောက်ဟာ တံခါးနီနီကြီးဆီ ရည်ရွယ်ရင်း သေနတ်တစ်လက်နဲ့ ရမ်းသန်းပစ်ခတ်လျက် အခန်းထဲဝင်လာမယ့် သတ္တဝါကြီးကို ထိတ်လန့်ကြောက်ရွံ့ရင်း ဇောချွေးများအပြိုက်ပြိုက်ကျနေပါတယ်.. ထိုသူရဲ့ အသက်လုံခြုံမှုဟာတော့ ကျည်ရာများ ပွထနေတဲ့တံခါးရဲ့ လက်ကိုင်မှာကန့်လန့်ခံထားတဲ့ တူတစ်လက်အပေါ်မှာ မူတည်လျက်.. ထိုအဖြစ်အပျက်ဟာ စားပွဲဝိုင်းလေးတစ်လုံးပေါ်က ဆွေးနွေးပွဲရဲ့ ရလဒ်ဖြစ်တယ်လို့ဆိုရင် မမှားပါဘူး.. စစ်တပ်ကြီးတစ်ခုရဲ့ စစ်လက်နက်ပစ္စည်းများဟာ လုံခြုံရေးလျော့ရဲလှတဲ့ အရပ်သားကုန်လှောင်ရုံ တစ်ခုဆီကို ထူးထူးဆန်းဆန်း ရွှေ့ပြောင်းမယ်ဆိုတဲ့ သတင်းဟာ မရိန်းတပ်သားဟောင်းများအဖို့ ယုံနိုင်ခဲလှပါတယ်.. သို့သော်လည်း ၎င်းတို့ကို သတင်းပေးလာသူမှာ ကုန်လှောင်ရုံမှာ နှစ်ရှည်အလုပ်လုပ်ခဲ့သူဖြစ်ပြီး ရောင်းချရမယ့် ငွေပမာဏဟာလည်း မက်လောက်စရာဖြစ်တဲ့အတွက် အလုံးစုံယုံကြည်လိုက်ပြီး စစ်လက်နက်ပစ္စည်းများကို ခိုးယူဖို့ အစီအစဉ်ချကြပါတော့တယ်.. စစ်တပ်ကြီးတစ်ခုလုံးကို ထောက်ပံ့နိုင်တဲ့ လက်နက်များဟာ သာမန်ဂိတ်စောင့်လုံခြုံရေးတစ်ဦးရဲ့ အစောင့်အရှောက်အောက်မှာ ရှိတဲ့အတွက်ကြောင့် လွယ်လင့်တကူသာခိုးယူနိုင်ခဲ့ကြပါတယ်.. အစစအရာရာ အစီအစဉ်တကျဖြစ်ခဲ့ပြီး လွတ်မြောက်ရာကို ထွက်လာနိုင်ခဲ့တဲ့ မရိန်းတပ်သားဟောင်းများအဖွဲ့ဟာ အံ့ဩစရာအဖြစ်နဲ့ ကြုံကြိုက်ရပါတော့တယ်.. အဖွဲ့သားတစ်ယောက်ဟာ လက်နက်ပုံးများကို လှန်လှောစစ်ဆေးရင်း စတင်ဂါသေနတ်ပုံးကို ဖွင့်လိုက်တဲ့အခါမှာတော့ လူပုံသဏ္ဌာန်ဆင်တူတဲ့ အရုပ်တစ်ရုပ်ဟာ အခေါင်းထဲကထလာတဲ့ အလောင်းတစ်လောင်းသဖွယ် ထလာရာ ကြောက်လန့်တကြီး သေနတ်နဲ့ ပစ်ခတ်မိပါတော့တယ်.. သို့သော်လည်း ၎င်းအရုပ်ဟာ ဘယ်လိုထိခိုက်မှုမျိုးမှမရှိဘဲ တောတွင်းဝင်ပြေးပြီးတဲ့နောက် မရိန်းတပ်သားအုပ်စုနဲ့ ကျည်မတိုးတဲ့အရုပ်တို့ ရင်ဆိုင်ရမယ့်အဖြစ်ကို ရောက်ရှိလာတဲ့အခါမှာတော့..
Original title Armed
IMDb Rating 3.5 205 votes
TMDb Rating 3.357 7 votes
Director
Director
Cast
Links
Similar titles
