
၂၀၂၅ ဧပရယ် ၄ ရက်နေ့မှာ ဗီယက်နမ်စစ်ပွဲရဲ့ နောက်ဆုံးအောင်ပွဲနှစ်ငါးဆယ်ပြည့် အထိမ်းအမှတ် ရုံတင်ခဲ့တဲ့ဇာတ်ကားလည်းဖြစ်ပါတယ်။ ဇာတ်အိမ်ကိုတော့ ဗီယက်နမ်စစ်ပွဲရဲ့အပြင်းထန်ဆုံးကာလ စီဒါဖောလ်စစ်ဆင်ရေးအပြီးမှာ တည်ဆောက်ထားတာပါ။ ဥမင်လှိဏ်ခေါင်းတွေထဲကနေ ထောက်လှမ်းရေးသတင်းပိုလွှတ်မှုတွေကို တာဝန်ယူကာကွယ်ခဲ့ကြတဲ့ ဗီယက်ကောင်းတွေရဲ့ ပြောက်ကျားတပ်ဖွဲတစ်ဖွဲကို အခြေခံထားတာဖြစ်ပါတယ်။ ဒီဇာတ်ကားမှာတော့ သူတိုတွေရဲ့နာမည်ကျော် ပြောက်ကျားအဖွဲဝင်တွေရဲ့ စိတ်ဓာတ်၊ ခံယူချက်၊ အလုပ်လုပ်ပုံတွေကိုအနီးကပ်မြင်တွေ့ရမှာပါ။တောအုပ်အစစ် ၇ ဟက်တာကို ငှားရမ်းပြီး ဗုံးဒဏ်သင့်မီးလောင်ခံ တောအုပ်အဖြစ်ဖန်တီးခဲ့သလို၊ ကူချီဥမင်လှိဏ်ခေါင်းတွေကိုပါ ပုံစံတူအသေးစိတ် ပြန်တည်ဆောက်ခဲ့ပြီး အဲ့ဒီအချိန်တုန်းက အမေရိကန်စစ်တပ်က အသုံးပြုခဲ့တဲ့ လက်နက်တွေ သံချပ်ကာယာဉ်တွေကိုပါ ပြန်လည်ဖန်တီးထားပါသေးတယ်..