Warcraft (2016) mmsub

မူလအစမှာ Human တွေနဲ့ Orc တွေဟာအချင်းချင်းမသိကြ မဆုံဖူးကြသေးပါဘူး။ ဒါပေမယ့် Orc တွေရဲ့ ကမ္ဘာကြီး ပျက်စီးသွားတော့မယ့် အချိန်မှာ Orc မှော်ဆရာ Gul’dan ဟာ ဆိုးညစ်တဲ့အစိမ်းရောင်မှော်ပညာကို သုံးပြီး မှော်မုခ်ဝကို ဖွင့်လှစ်ပြီး Azeroth ကမ္ဘာကို Orc တွေ အားလုံးစုစည်းပြီးမျိုးနွယ်စုကြီးတစ်ခုလုံးကို ခေါ်လာဖို့ ကြိုးပမ်းပါတော့တယ်။ အဲဒီ Azeroth ကမ္ဘာမှာတော့ Human တွေ လူပုတွေ နတ်သူငယ်တွေဟာ တစ်ယောက်ကိုတစ်ယောက် ယုံကြည်မှုမရှိသေး ကြည့်မရကြပေမယ့် ငြိမ်းချမ်းစွာ နေထိုင်နေခဲ့တာ ကြာခဲ့ပါပြီ။ ဒါပေမယ့် အခု ကမ္ဘာနှစ်ခုက မျိုးနွယ်တွေ တွေ့ဆုံလာပြီး ကိုယ့်ကိုကိုယ် ရှင်သန်နိုင်ဖို့ တိုက်ခိုက်ကြရတော့မယ့် အခြေအနေကို ရောက်လာတဲ့အခါ Human ဘုရင်ကြီး Llane နဲ့ သူရဲကောင်း Lothar တို့ပူးပေါင်းပြီး မှော်ဆရာ Khadgar ရဲ့အကူအညီနဲ့ ဘယ်လိုရင်ဆိုင်ကြမလဲ.. Orc တွေထဲက တကယ့်အမှန်တရားကို မြင်နိုင်တဲ့ နှင်းဝံပုလွေ မျိုးနွယ်ခေါင်းဆောင် ဂျူရိုတန် နဲ့ သွေးနှောနေတဲ့ Orc မိန်းကလေး Garona တို့ကရော ဘယ်လိုဆက်လှုပ်ရှားကြမလဲဆိုတာ..