The Nevers: 1×4: 1x4

Undertaking

ဝိတိုရိယခေတ်လို့ ခေါ်တဲ့ 1837 နဲ့ 1901 ခုနှစ်ကြားက လန်ဒန်မြို့မှာ အခြေတည်ထားပါတယ်။ မြို့ပေါ်ကနေ ထူးဆန်းတဲ့ အရာကြီးတစ်ခု ဖြတ်ပျံသွားပြီး အဲဒီအရာပေါ်ကနေ ကျလာတဲ့ မီးပွားလို အရာလေးတွေဟာ လူပေါင်းများစွာကို ထိတွေ့မိခဲ့ပါတယ်။ အဲဒီထဲက အချို့အမျိုးသမီးတွေဟာ စွမ်းအင်ကိုယ်စီ ထူးထူးဆန်းဆန်းရလာခဲ့တာပါပဲ။ ဒီလိုစွမ်းအားတွေရှိနေတဲ့ အမျိုးသမီးတွေကို ရှေးကာလမှာ ပိုပြီးကြောက်ရွံ့ကြ နှိမ်ချကြတာမဆန်းပါဘူး။ ဒီရုပ်ရှင်က ခေါင်းဆောင်မင်းသမီးတွေ အဓိကပါဝင်တာဖြစ်ပါတယ်။ အဲဒီ စွမ်းအင်တွေရနေတဲ့ အမျိုးသမီးတွေကို စုစည်းပြီး ကာကွယ်ပေးဖို့ဂေဟာတစ်ခုကို မင်းမျိုးမင်းနွယ် လူချမ်းသာ အပျိုကြီး မစ္စ လဗီးနီးယားဘစ်လိုး ဆိုတဲ့သူက တည်ထောင်လိုက်ပါတယ်။ အဲဒီဂေဟာကိုဦးစီးတဲ့ စွမ်းအားရှင်ကတော့ မစ္စစ် အမ်မာလီးရားထရူး ဆိုတဲ့ မုဆိုးမ ဖြစ်ပြီးသူ့အစွမ်းကတော့ အနာဂတ်ကို အပိုင်းအစတွေအနေနဲ့ ဖြတ်ခနဲ မြင်နိုင်တာပါပဲ။ သူ့ရဲ့လက်ထောက်အနေနဲ့ အခင်ဆုံး သူငယ်ချင်းကတော့ မစ္စ ပန်းနန့်စ် အဒဲရ်ဖြစ်ပြီး သူ့အစွမ်းကတော့ လျှပ်စစ်စီးကြောင်းတွေကို မြင်နိုင်ပြီးခေတ်ရှေ့ပြေးတဲ့ ပစ္စည်းမျိုးစုံကို တီထွင်နိုင်သူ ဖြစ်လာပါတယ်။ သူတို့မိတ်ဆွေတွေကလည်း အစွမ်းကိုယ်စီနဲ့ပေါ့။ သူတို့ ရင်ဆိုင်ရတဲ့သူတွေကတော့ ဖိနှိပ်ချင်တဲ့ အစိုးရအပြင်သူတို့လိုစွမ်းအားရှိနေတဲ့ စိတ္တဇလူသတ်သမား.. သူတို့တွေကို ဖမ်းပြီးစမ်းသပ်နေတဲ့ ဆရာဝန်.. ဒါ့အပြင် သူတို့ကို စွမ်းအားတွေရလာစေတဲ့ အနာဂတ်ကလာတဲ့ ဂြိုလ်သားတွေပါ ဖြစ်လာပါတယ်..