Behind Enemy Lines (2001) mmsub

ဒီဇာတ်လမ်းလေးက တကယ့်ဖြစ်ရပ်မှန်အပေါ် အခြေခံပြီး ရိုက်ထားတာပါ။ ၁၉၉၅ ခုနှစ် ဘော့စနီးယားမှာ လေယာဉ်ပစ်ချခံခဲ့ရပြီး ၆ ရက်တာ ရန်သူ့နယ်မြေမှာ ပြေးလွှားခဲ့ရတဲ့ အမေရိကန် ပိုင်းလော့တစ်ဦးအကြောင်းပါ..
၁၉၉၅ မှာ ဘော့စနီးယားမှာ ပြည်တွင်းစစ်ပွဲတွေ ဖြစ်ပွားနေခဲ့ပါတယ်။ ဒီစစ်မီးငြိမ်းဖို့ နေရာတကာပါတဲ့ NATO တပ်ဖွဲ့ကလည်း ပါလာရပါပြီ။ NATO အဖွဲ့ဝင်ဖြစ်တဲ့ အမေရိကန် Navy ကလည်း လေယာဉ်တင်သင်္ဘောတွေနဲ့ ပင်လယ်ပြင်က စောင့်ကြည့်နေပါတယ်။ သူတို့ရဲ့တာဝန်ကတော့ ဘော့စနီးယားပေါ်ကို သတ်မှတ်ထားတဲ့ လမ်းကြောင်းကနေ ပြည်တွင်းအခြေအနေကို ဝေဟင်ကနေ မှတ်တမ်းတင်ဓါတ်ပုံ ရိုက်ကူးဖို့ဖြစ်ပါတယ်။ ခရစ္စမတ်နေ့ အားလပ်ရက်တာဝန်အနေနဲ့ ပိုင်းလော့ဒ်စတက်ဟောက်နဲ့ သူရဲ့လေကြောင်းလမ်းပြဗိုလ် ဘားနက်တို့ ဒစ်ဂျစ်တယ်ကင်မရာ အသစ်စက်စက်တပ်ဆင်ထားတဲ့ F-18 တိုက်လေယာဉ်နဲ့ ဘော့စနီးယားဝေဟင်ကို သတ်မှတ်ထားတဲ့လမ်းကြောင်းအတိုင်း လိုက်လံစစ်ဆေးနေခဲ့တယ်။ မောင်းနှင်နေရင်း ဘော့စနီးယားတို့ သတ်မှတ်ပေးထားတဲ့ မပျံသန်းရတဲ့နယ်မြေ စစ်မဲ့ကင်းမဲ့ဇုံ ဆိုတဲ့နေရာမှာ မသင်္ကာစရာကို ရေဒါကနေ တွေ့ရှိလိုက်လို့ သတ်မှတ်လမ်းကြောင်းအတိုင်း မဟုတ်ဘဲ မှတ်တမ်းတင်ဖို့ ပျံသန်းခဲ့မိပါတယ်။ ဒီအချိန်မှာ သူတို့မထင်မှတ်တာကို မြင်တွေ့မှတ်တမ်းတင်လိုက်ပေမယ့် သူတို့တိုက်လေယာဉ်ပျံကိုလည်း လေယာဉ်ပစ်အမြှောက်တွေနဲ့ ပစ်ချခံလိုက်ရပါတယ်။ အချိန်မီထိုင်ခုံကို တွန်းကန်ပြီး ခုန်ထွက်နိုင်ပေမယ့် ဘော့စနီးယားနယ်မြေထဲမှာပဲ ပိုင်းလော့ဒ်က ခြေထောက်ဒဏ်ရာနဲ့မို ပစ်သတ်ခံလိုက်ရပြီး ဗိုလ်ဘားနက် တစ်ယောက်တည်း ကျန်ခဲ့ပါတယ်။ သူတို့ ဘာကိုမှတ်တမ်းတင်မိလို့ ပစ်ချခံခဲ့ရတာလဲ.. ရန်သူ့နယ်မြေကနေ လွတ်အောင် ဘယ်လိုကြိုးပမ်းခဲ့ရသလဲဆိုတာ..