Escobar: Paradise Lost (2014) mmsub

နစ်ခ်ဘရေဒီဟာ ကိုလံဘီယာမှာ အစ်ကိုနဲ့အတူအလုပ်လုပ်နေပြီးတော့ မာရီယာနဲ့ တွေ့ဆုံပြီး ချစ်မိသွားခဲ့တာဖြစ်ပါတယ်။ မာရီယာကလည်းမူးယစ်ရာဇာ Pablo Escobar ရဲ့ တူမ ဖြစ်နေပြန်ပါတယ်။ အစပိုင်းမှာတော့ သူတို့အချစ်ရေးက အားလုံးကလည်း သဘောတူကြည်ဖြူတဲ့အတွက် ဖြောင့်ဖြူးသလိုရှိခဲ့ပေမယ့်.. အက်စကိုးဘားမိသားစုထဲ ပိုပြီးဝင်ရောက်လာလေ အန္တရာယ်များပြီး ကြောက်မက်ဖွယ်ကောင်းတာတွေက ပိုပြီးထင်ရှားလာခဲ့ပါတယ်။ ပါဘလိုအက်စကိုးဘားနဲ့ ပတ်သက်နေသရွေ့ သူတို့အဖို့မလုံခြုံနိုင်မှန်း သဘောပေါက်သွားချိန်မှာ နစ်ခ်ဟာ မာရီယာနဲ့အတူ ကိုလံဘီယာက ထွက်ပြေးဖို့ ကြံစည်ခဲ့ပါတယ်။ သူတို့မပြေးနိုင်ခင်မှာပဲ အက်စကိုးဘားက သူ့လူယုံတွေကို အရေးပေါ်အစည်းအဝေးတစ်ခု ခေါ်လိုက်ပါတယ်။ နစ်ခ်ကိုလည်း သူ့ရဲ့ အဖိုးတန်ပစ္စည်းတွေကို သိမ်းဆည်းဖျောက်ဖျက်တဲ့အစီအစဉ်မှာ ပါဝင်ခိုင်းခဲ့ပြန်ပါတယ်။ ပစ္စည်းတွေဖျောက်ဖျက်ရုံတင်မဟုတ်ဘဲ လမ်းပြသူကိုပါ တစ်ခါတည်းနှုတ်ပိတ်ရမယ့်တာဝန် ရှိလာခဲ့ချိန်မှာ သာမန်လူတန်းစားဘဝကလာခဲ့သူ နစ်ခ်ဟာ သူ့တာဝန်ကိုပြီးဆုံးအောင် မလုပ်နိုင်ဘဲ လမ်းပြကို လွှတ်ပေးမိခဲ့ပါတယ်။ အစီအစဉ်အတိုင်း ဖြစ်မလာခဲ့ဘဲ ပါဘလိုအက်စကိုးဘားကို ဆက်သွယ်ခဲ့ချိန်မှာတော့ နှုတ်ပိတ်ခံရမယ့်စာရင်းမှာ သူလည်းအပါအဝင်ဖြစ်နေတယ်ဆိုတာ နစ်ခ်ဟာ ရိပ်စားခဲ့ပါတယ်။ အက်စကိုးဘားရဲ့ သွေးအေးတဲ့လှည့်ကွက်တွေကြားထဲမှာ နစ်ခ်က ရုန်းထွက်ဖို့ ကြိုးစားလေ ညှို့ချက်မိသလို ဝဲလည်ရင်းနဲ့ သူစီစဉ်ထားတဲ့ ထွက်ပြေးမယ့်အစီအစဉ် အထမြောက်မှာလား.. အက်စကိုးဘားရဲ့ လက်တံရှည်တွေကြားထဲမှာ ပြန်မိမှာလားဆိုတာ..